டாக்டர். அம்பேத்கரின் 134வது பிறந்தநாளை முன்னிட்டு தூத்துக்குடியில் மாபெரும் இரத்ததான முகாம் நடைபெற்றது. இதில் தூத்துக்குடியை சேர்ந்த குருதி கொடையாளர்கள் மற்றும் பல இரத்ததான அமைப்புகள் இம்முகாமில் கலந்து கொண்டு இரத்ததானம் செய்தனர். தூத்துக்குடி அரசு தலைமை மருத்துவக்கல்லூரி மருத்துவமனை இரத்தவங்கி மருத்துவ அதிகாரி சாந்தி தலைமையிலான செவிலியர்கள் மற்றும் ஊழியர்கள் இரத்ததான பணிகள் மேற்கொண்டனர்.

அம்பேத்கர் அறக்கட்டளை சேர்மன் விஜயராஜன் தலைமையில், நவராஜ் மற்றும் சுரேஷ் முன்னிலையில் இம்முகாம் சிறப்புடன் தொடங்கியது.. 

தூத்துக்குடி மருத்துவக்கல்லூரி மருத்துவமனை டாக்டர்.ராஜன் அம்பேத்கர் படத்தை திறந்து வைத்து மலர்தூவி மரியாதை செலுத்தினார். தொடர்ந்து தூத்துக்குடி மருத்துவக் கல்லூரி மருத்துவமனை முதல்வர் சிவக்குமார் இரத்ததான முகாமை தொடங்கி வைத்தார். மேலும் கலந்து கொண்ட குருதி கொடையாளர்களுக்கு வாழ்த்துக்களையும் தெரிவித்துக் கொண்டார். இதனைத்தொடர்ந்து இம்முகாம் சிறப்புடன் நடைபெற்றது.

அம்பேத்கர் விருது

மேலும், தூத்துக்குடி மாநகர காவல் உதவி கண்காணிப்பாளர் டாக்டர். மதன் IPS சிறப்பாக செயல்பட்டு வருகின்ற 15 இரத்ததான அமைப்புகளுக்கு 2024 முதல் 2025 வரையிலான அம்பேத்கர் விருதுகளை வழங்கி வாழ்த்துக்களை தெரிவித்தார்.

டாக்டர்.காமராஜ் (தலைமை சிவில் அறுவை சிகிச்சை நிபுணர். சென்னை) வேல்ராஜ் (காவல் உதவி ஆய்வாளர். தூத்துக்குடி), லிங்கேஸ்வரன் (சிர்க்கோனியம் காம்ப்ளக்ஸ். இந்திய அரசுத்துறை) ஸ்டீபன் ஜெபராஜ் (நந்தமிழர் தொழிலாளர் நலச் சங்கம்) ஆகியோர் சிறப்பு அழைப்பாளராக கலந்து கொண்டனர்.

இந்நிகழ்வில் அம்பேத்கர் அறக்கட்டளை நிர்வாகிகளான தாமோதரன், பிரபாகரன், சரவணன், ஜெயகீதன், சமுத்திரம், மதிவாணன், முருகன், செல்வவிநாயகம் மற்றும் இளையவேந்தன் இரத்ததான அறக்கட்டளை, இரட்சண்யா செங்குருதி இயக்கம், Being Human சமூகநல அறக்கட்டளை நிர்வாகிகள் இம்முகமை சிறப்புடன் நடத்தினர். அம்பேத்கர் அறக்கட்டளை நிர்வாக செயலாளர் ராஜன் கலந்து கொண்டு அனைவருக்கும் நன்றியை தெரிவித்துக் கொண்டார்.